ვაზისუბანში, ალუბლების ქუჩაზე გამართულ აქციაზე, სადაც მოსახლეობა კორპუსების მშენებლობას აპროტესტებს, სამოქალაქო აქტივისტი ლაშა ჩხარტიშვილი დააკავეს. ფაქტს შინაგან საქმეთა სამინისტროში ადასტურებენ.
უწყების ინფორმაციით, ჩხარტიშვილი ადმინისტრაციულ სამართალდარღვევათა კოდექსის 173-ე მუხლითაა დაკავებული, რაც პოლიციისადმი დაუმორჩილებლობას გულისხმობს. დანაშაული 1 000-დან 4 000 ლარამდე ოდენობის ჯარიმით ან 15 დღემდე ადმინისტრაციული პატიმრობით ისჯება.
ლაშა ჩხარტიშვილის ინფორმაციით, “ალუბლების ბაღში” ადგილობრივი მოსახლეობის მხარდასაჭერად მივიდა. მაცხოვრებლები ბაღის ტერიტორიაზე კორპუსის მშენებლობას აპროტესტებენ.
თბილისის მერიამ ალუბლების ქუჩაზე 2 მაღალსართულიანი კორპუსის მშენებლობის ნებართვა კომპანია „ენ აი დიზე“ 2019 წლის 11 დეკემბერს გასცა. მოსახლეობა იგივე ადგილზე სკვერის ან სპორტული მოედნის გაშენებას ითხოვდა.
