გორში, სუხიშვილის ქუჩაზე, შსს – მომსახურების სააგენტოსთან მისასვლელი გზის გაგანიერებისა და საფეხმავლო სივრცის მოწყობისთვის მერიამ ტენდერი გამოაცხადა. სამუშაოებისთვის 170 290 ლარია გათვალისწინებული. ამის შესახებ რადიო მოზაიკა წერს.
“სუხიშვილის ქუჩაზე, შსს – ს მომსახურების სააგენტოს მიმდებარე ტერიტორიაზე საფეხმავლო სივრცე მთლიანად ამორტიზირებულია. იმის გათვალისწინებით, რომ აღნიშნულ ტერიტორიაზე ხალხის მოძრაობა ინტენსიურია (მათი უსაფრთხოების მიზნით) საჭირო გახდა ახალი საფეხმავლო სივრცის მოწყობა”, – ნათქვამია სატენდერო დოკუმენტაციაში.
სატენდერო პირობების მიხედვით, გამარჯვებულმა კომპანიამ სამუშაოები ხელშეკრულების გაფორმებიდან ორი თვის ვადაში უნდა დაასრულოს.
