ჯარიმებიდან და სანქციებიდან გორის მუნიციპალიტეტის ბიუჯეტში წელს 618 458 ლარი შევიდა. ამის შესახებ რადიო მოზაიკა წერს.
მონაცემები გორის მუნიციპალიტეტის მერიის ბიუჯეტის 1-ლი კვარტლის შესრულების ანგარიშშია ასახული. დოკუმენტის მიხედვით, მთელი წლის განმავლობაში მერია ამ მხრივ შემოსავლის სახით 2 მლნ 700 ათასი ლარის მიღებას ელოდება, იანვრიდან აპრილის ჩათვლით კი ჯარიმებისა და სანქციების გეგმა 340 000 ლარით იყო წარმოდგენილი, თუმცა როგორც აღმოჩნდა მუნიციპალიტეტის გეგმას არსებულმა ფაქტმა 80%-ით გადააჭარბა.
წარმოდგენილი სანქციები ძირითადად მოიცავს არქიტექტურულ-სამშენებლო საქმიანობაში გამოვლენილი დარღვევის, პარკირების ასევე გარემოს დაცვის მიმართულებით გამოვლენილ ფაქტებს.
