თბილისის საბავშვო ბაგა-ბაღების მართვის სააგენტოს ინიციატივითა და თბილისის მთავრობის გადაწყვეტილებით, დედაქალაქს ივლისში 40 საზაფხულო ბაღი მოემსახურება.
ოჯახებს, რომლებიც ჯერ ვერ ახერხებენ შვილების თბილისიდან გაყვანას, შესაძლებლობა აქვთ მათ რაიონში მოქმედი საზაფხულო ბაღების მომსახურებით უფასოდ ისარგებლონ.
საზაფხულო ბაღებში სააღმზრდელო პროცესი 3 ივლისიდან 31 ივლისის ჩათვლით გაგრძელდება. საზაფხულო ბაღების რეგისტრაცია, 19 ივნისს, 13.00 საათზე დაიწყო და 29 ივნისს დასრულდა. რეგისტრაცია ელექტრონულად, საბავშვო ბაგა-ბაღების მართვის სააგენტოს ვებ-გვერდზე: www.kids.org.ge. ჩატარდა.
საზაფხულო ბაგა-ბაღებში რეგისტრირებული აღსაზრდელები, მომსახურებას მიიღებენ მხოლოდ მიმდინარე წლის ივლისში და აღნიშნული რეგისტრაცია არ ეხება 2017-2018 სააღმზრდელო წელს.
საზაფხულო ბაღების სია რაიონების მიხედვით: გლდანის რაიონი – N153, N48, N205, N216, N186; დიდუბის რაიონი – N11, N92, N23, N15; ვაკის რაიონი – N1, N27, N142, N83, ბაგა-ბაღი „ჩიორა“; ისნის რაიონი – N202, N29, N26, N215, N182; კრწანისის რაიონი – N51, N206; მთაწმინდის რაიონი – N170, N152, N162; ნაძალადევის რაიონი – N9, N79, N60, N143, N80; საბურთალოს რაიონი – N197, N171, N112; სამგორის რაიონი – N128, N12, N210, N45, N196, N72; ჩუღურეთის რაიონი – N34, N5.
წყარო: ინტერპრესნიუსი
