გურიის რეგიონში C ჰეპატიტის, აივ/შიდსისა და ტუბერკულოზის ინტეგრირებული სკრინინგის პროგრამა იწყება. ამის შესხებ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ გურიაში სამუშაო ვიზიტის დროს განაცხადა.
გურიის მხარის რწმუნებულის, ზურაბ ნასარაიასა და გურიის საზოგადოებრივი ჯანმრთელობის მუნიციპალური სამსახურების წარმომადგენლებთან შეხვედრაზე გამყრელიძემ C ჰეპატიტის, აივ/შიდსისა და ტუბერკულოზის ინტეგრირებული სკრინინგის, წითელას შემთხვევების, იმუნიზაციისა და კერძოდ წითელა/წითურა/ყბაყურას (წწყ) არაგეგმიური იმუნიზაციის, ასევე კიბოს სკრინინგის სახელმწიფო პროგრამისა და ტყვიის შემცველობის კვლევის საკითხებზე ისაუბრა.
გურიის რწმუნებულის განცხადებით, ის მზადაა პროგრამის განხორციელებას ხელი შეუწყოს.
C ჰეპატიტის, აივ/შიდსისა და ტუბერკულოზის ინტეგრირებული სკრინინგის პროგრამა გარდა გურიისა, იმერეთის, კახეთისა და აჭარის რეგიონებშიც იწყება.
