კოსტავას ქუჩაზე ავტოფარეხების ნაცვლად სკვერი მოეწყო (ვიდეო)

1341

წინა სტატია

კოსტავას N71-ში საბურთალოს გამგეობამ ათი ავტოფარეხის დემონტაჟი განახორციელა და მის ნაცვლად, გამწვანებული ტერიტორია მოაწყო.

როგორც თბილისის მერიაში განმარტავენ, პროექტის შედეგად, 2 000 კვ.მ ფართობზე საბავშვო გასართობი მოედანი, საფეხმავლო ბილიკები და LED განათების სისტემა მოეწყო. ასევე, განთავსდა სკვერისთვის საჭირო ინფრასტრუქტურა და ტერიტორია ცოცხალი ღობით შემოისაზღვრა. რეაბილიტაციის ფარგლებში, ჰიდროთესვის მეთოდით დაითესა ბალახი, 16 სახეობის 800-მდე მცენარე დაირგო და სარწყავი სისტემა დამონტაჟდა.

საბურთალოს რაიონის გამგეობის დაკვეთით, სამუშაოები კომპანია “გრინსერვის+ -მა” აწარმოა. პროექტის ღირებულება 293 661 ლარს შეადგენს.

“სპორტის სასახლის მიმდებარედ არსებულ სკვერში, სადაც ავტოფარეხები იდგა, ძალიან მძიმე სიტუაცია იყო. ჩვენ განვაცხადეთ, რომ ავტოფარეხების დემონტაჟის შემთხვევაში, სკვერებს და სპორტულ მოედნებს მოვაწყობდით. ამ შემთხვევაშიც, მოსახლეობასთან თანამშრომლობით, ერთობლივი გადაწყვეტილება მივიღეთ და უსახური ავტოფარეხები ავიღეთ. მათ ადგილას მოეწყო სკვერი, სადაც ადგილობრივებთან ერთად, დედაქალაქის სხვა მცხოვრებლებიც დაისვენებენ.

ბავშვებისთვის განკუთვნილი ატრაქციონები ეკოლოგიურად სუფთა მასალისგანაა დამზადებული და ევროპულ სტანდარტს აკმაყოფილებს. ყოველთვის ასეთი მიდგომა გვექნება, როდესაც ავტოფარეხების დემონტაჟი განხორციელდება და გამგეობა ან მერია მსგავს სივრცეებს მოაწყობს“, – განაცხადა თბილისის მერმა კახა კალაძემ.