“რუსთაველის” მეტროსთან სტუდენტები და სკოლის მოსწავლეები აქციას მართავენ. “გამოდი გარემოსთვის, გაიფიცე გარემოსთვის” – ამ ლოზუნგით ახალგაზრდა აქტივისტები მერიისგან ყურადღებას და პრობლემების მოგვარებას ითხოვენ. ინფორმაციას იმედინიუსი ავრცელებს.
მათი თქმით, მუდმივი საცობები ქალაქს ანადგურებს, გარემო ყოველდღიურად ბინძურდება, ჰაერი კი იწამლება.
ახალგაზრდების თქმით, თუ თბილისის მერია არაფერს მოიმოქმედებს, აქციები პერმანენტულ ხასიათს მიიღებს.
შეგახსენებთ, გარემოს დაცვითი რეგულაციების გამკაცრების მოთხოვნით თბილისის მერიასთან სტუდენტებმა აქცია 12 აპრილსაც გამართეს.
