თბილისის მერის მოადგილემ მაია ბითაძემ დედაქალაქის მთავრობის სხდომის დასრულების შემდეგ განაცხადა, რომ ხეების დაავადების მასშტაბი დედაქალაქში უპრეცენდენტოა. მისი თქმით პრაქტიკულად ყველა ფიჭვის კორომი დაავადებულია და განკუნებას არ ექვემდებარება.
როგორც ბითაძემ აღნიშნა, საუბარია ათი ათასობით დაავადებულ ხეზე, როგორც ურბანულ გარემოში ასევე თბილისის სატყეო უბნებში.
“ზოგადად, თბილისში ძალიან მძიმე მდგომარეობაა, განსაკუთრებით შავ ფიჭვებთან მიმართებით, რომლებიც მთლიანად ამორტიზირებული და დაავადებულია. მასშტაბი დაავადებების არის ძალიან დიდი, რაც უკვე ვიზუალურად ჩანს. შესაბამისად, როგორც წელს, ასევე მომდევნო წელს დაგეგმილია სანიტარული ჭრა. საუბარია 10 ათასობით ხეზე, რომელიც ურბანულ გარემოში, ასევე თბილისის სატყეო უბნებში იქნება ამოღებული გარემოდან. თუმცა, იმ პროგრამის მიხედვით, რომელსაც მუნციპალიტეტი გეგმავს, თითოეული ხის ნაცვლად დაირგვება ახალი ხე, იმ სტანდარტების მიხედვით, რაც ჩვენ უკვე დავნერგეთ.
დაავადების მასშტაბი დღეს არის უპრეცედენტო და პრაქტიკულად ყველა ფიჭვის კორომი, რომელიც თბილისში გავაქვს არის დაავადებული და სამწუხაროდ, განკუნებას არ ექვემდებარება, რაზედაც გვაქვს რეკომენდაციები ჩვენი ესპანელი პარტნიორებისან. ესპანელი პარტნიორები რამდენიმე ხნის წინ იყვნენ ამ მიზნით ჩამოსული და სავალალო რეკომენდაციები დადეს. შესაბამისად, გეგმა არის მწვანე საფარის მთლიანი განახლება, როგორც ფერდობებზე ასე ურბანულ გარემოში“, – განაცხადა მაია ბითაძემ.
