თბილისში 134 საჯარო ბაღის შენობას სამხარაულის ექსპერტიზის ბიურო ამოწმებს. როგორც სამხარაულის ექსპერტიზის ბიუროში ამბობენ, შემოწმების შედეგები მათი დასრულებისთანავე ეტაპობრივად გადაეგზავნება დამკვეთს, რომელიც ბაგა-ბაღების სააგენტოა. ინფორმაციას საზოგადოებრივი მაუწყებელი ავრცელებს.
ბაგა-ბაღების სააგენტოს ინფორმაციით, 2017 წლის ნოემბრიდან დღემდე 28 ბაღის შენობის ექსპერტიზა დასრულდა.
ექსპერტიზის თანახმად, 16 ბაღს რეაბილიტაცია უნდა ჩაუტარდეს, 10-ის კი დემონტაჟი უნდა მოხდეს. სადემონტაჟო ბაღებია: N19, N28, N43, N47, N84, N96, N125, N6, N14, „ვარკეთილის მეურნეობა”.
მათგან სამი – N19, N84, N125 ბაღები უკვე დაიხურა, კიდევ ერთი, 109-ე ბაღის დახურვის გადაწყვეტილება კი თბილისის ბაგა-ბაღების მართვის სააგენტომ გუშინ, სამხარაულის ბიუროს ექსპერტიზის დასკვნის მიღების შემდეგ მიიღო.
რეაბილიტაცია შემდეგ ავარიულ ბაღებში ჩატარდება: N2, N4,N55, N155, N3, N66, N100, N119, N126, N170, N200, N21, N144, N150, მხედველობადაქვეითებულთა ბაღი, სმენადაქვეითებულთა ბაღი.
