გორის მაჟორიტარი დეპუტატის, პარლამენტარ იოსებ მაკრახიძის კომპანიის კუთვნილ ტექნიკას ორიგინალური ნახატები და ფოტოები ამშვენებს. ერთ-ერთ ტრაქტორში გიორგი სააკაძის სურათი დევს. ინფორმაციას “შიდა ქართლის საინფორმაციო ცენტრი” ავრცელებს.
კომპანიის წარმომადგენლის თქმით, ის სპეციალურად აზერბაიჯანულ სოფელში მუშაობის დროს, მათმა თანამშრომელმა მიაკრა.
,,კასპის რაიონში ვმუშაობდით. ერთ-ერთ აზერბაიჯანულ სოფელში მოგვიწია ყოფნა. ჰო და, იმათ დასანახავად გავაკეთეთ,“ – გვითხრა სამუშაოების ზედამხედველმა. იმავე ტრაქტორზე მტაცებელი ფრინველების ფოტოებია მიკრული. სატვირთო მანქანაზე კი, მგლის თავია გამოსახული.
,,ჩვენი კომპანიის ტექნიკა ყველაზე მაგარია, არა მარტო, რეგიონში, არამედ საქართველოში. მგლები ვართ“ – ამბობენ მუშები.
მართლაც, კომპანია ,,იბოლია“ ერთ-ერთ ყველაზე ძლიერი კომპანიად ითვლება რეგიონში. ჯერ კიდევ, 2013 წელს მომზადებულ ანგარიშში, რომელიც გორის გამგეობისთის სპეციალისტებმა შეუდგინეს, პირველ ადგილზე ,,იბოლია“ გაიყვანეს.
