თბილისში, დიდ დიღომში სხვადასხვა ინფრასტრუქტურული პროექტი მიმდინარეობს. საბურთალოს რაიონის გამგებელმა გაიოზ ვასაძემ მიმდინარე სამუშაოები დაათვალიერა და ადგილობრივ მოსახლეობას შეხვდა.
თავდადებულის ქუჩა №12, №14, №16 კორპუსების მიმდებარე ტერიტორიაზე, საგზაო სამუშაოები მიმდინარეობს. თავდადებულის ქუჩა №4-ის, №14-სა და გიორგი ბრწყინვალეს №1-ის მიმდებარე ტერიტორიაზე კი, სკვერების კეთილმოწყობის სამუშაოები ტარდება.
რაიონის გამგებელმა მოსახლეობას მიმდინარე სამუშაოების შესახებ ინფორმაცია მიაწოდა და სამომავლო გეგმებზე ესაუბრა.
