თბილისის კონტროლირებად ტერიტორიაზე მოქმედი სამხრეთ ოსეთის ადმინისტრაციის ხელმძღვანელი, დიმიტრი სანაკოევი თანამდებობას ტოვებს.
„16 წელი საკმარისია ერთ ადგილზე ყოფნისთვის. მინდა ჩემ ცხოვრებას მივხედო. ბიზნესში მინდა და სხვა სამსახურში უნდა გადავიდე“, – ამბობს სანაკოევი “რადიო თავისუფლებასთან” საუბარში.
მისივე თქმით, გადაწყვეტილება პირადად მიიღო და არ იცის ვინ დაინიშნება მის ადგილას.
ცნობისთვის, სამხრეთ ოსეთის დროებითი ადმინისტრაციული ერთეულის ხელმძღვანელად სანაკოევი 2006 წელს დაინიშნა.
