აჭარაში რომაული ფესტივალი გაიმართება, – ამის შესახებ ინფორმაციას აჭარის კულტურული მემკვიდრეობის დაცვის სააგენტო ავრცელებს.
გავრცელებული ფოტო-მასალის თანახმად, ღონისძიება გონიოში, კერძოდ, გონიოს ციხეში 18 სექტემბერს ჩატარდება. იგი 16:00 საათზე დაიწყება და 22:00 საათზე დაიხურება.
ფესტივალის ფარგლებში, დაგეგმილია რომაული კულტურის შესაბამისი ისეთი აქტივობების გამართვა, როგორებიცაა: ბერძნულ-რომაული ჭიდაობა, რომაული ცეკვა, რომაული ქორწილი, გლადიატორთა ორთაბრძოლა, ტურნირი მშვილდოსნობაში და სხვა.
ღონისძიებაზე შესაძლებელი იქნება რომაული სამზარეულოს დეგუსტაციაც. დასწრება თავისუფალია.
