გორის მუნიციპალიტეტის სოფელ უფლისციხეში აქციებს აანონსებენ. მოსახლეობა იმ საძოვრების დაბრუნებას ითხოვენ, რომელიც კერძო პირზე გასხვიდა. ინფორმაციას Qartli.ge ავრცელებს.
ადგილობრივი მოსახლეობა აცხადებს, რომ თუ საძოვრების პრობლემა არ მოგვარდება, მუზეუმ-ნაკრძალ უფლისციხემდე მისასვლელ გზას გადაკეტავენ.
“როგორც ჩვენ გავიგეთ, ეს მიწები იჯარითაა გაცემული. ეს ტერიტორია თუ ბოლომდე მოხნეს, მაშინ საძოვრების გარეშე ვრჩებით’ – გვითხრეს ადგილობრივებმა.
მეორე დღეა, მიწის ფართობზე ტრაქტორი მუშაობს. ადგილობრივმა აიძულეს, რომ მას მუშაობა შეეწყვიტა.
მოსახლეობასთან შესახვედრად სოფლის წარმომადგენელი მივიდა, ასევე, ის კერძო პირი, ვინც მიწას ფლობს:
“მე აუცილებლად გავაგრძელებ მუშაობას. რაც მე მეკუთვნის, ის უნდა დავამუშავო” – აცხადებს მიწის მფლობელი. ის სოფელ ხიდისთავში ცხოვრობს.
საჯარო რეესტრის მონაცემების მიხედვით, 6.5 ჰა მიწის ფართობი სახელმწიფომ იჯარით 2019 წელს გასცა. საიჯარო ხელშეკრულების ვადაა 25 წელი.
