ხმაური დიდ დიღომში – მოსახლეობა სტადიონის მშენებლობას აპროტესტებს

299

დიდ დიღომში, თავდადებულის ქუჩაზე ხმაურია – მოსახლეობა ფეხბურთის ფედერაციის მიერ სტადიონის მშენებლობას აპროტესტებს. ადგილობრივები ამბობენ, რომ ტერიტორიაზე, რომელიც ამ მიკრო რაიონში ერთადერთი საჯარო სივრცეა, უკვე წლებია, რეკრეაციული ზონის მოწყობას ითხოვენ, თუმცა ამის ნაცვლად, დახურული ტიპის სტადიონის მშენებლობა იწყება. ინფორმაციას მთავარი არხი ავრცელებს.

მოსახლეობა გადაწყვეტილების მიმღებ პირებთან შეხვედრას ითხოვს და მათ მოუწოდებენ, სტადიონის პროექტისთვის სხვა ტერიტორია გამონახონ.

“ჩვენ ამას ვაკეთებთ ჩვენი მოსახლეობისთვის, ბავშვებისთვის და ზოგადად ჯანმრთელი ცხოვრებისთვის. ფეხბურთის და ზოგადად პროექტების წინააღმდეგი ჩვენ არ ვართ. უბრალოდ გვსურს, რომ მთავრობამ მონახოს სხვა ადგილი ისევ დიდ დიღომში ასეთი დიდი საქალაქო პროექტისთვის. ეს არის მიკრო უბანი, ყველაფერი რაც არის ამ მიკრო უბანში უნდა ემსახურებოდეს უშუალოდ მაცხოვრებლებს”, – ამბობენ ადგილობრივები.

ადგილზე პოლიციაა მობილიზებული. მოსახლეობა ამბობს, რომ სტადიონის აშენებას არ დაუშვებს.