ქალაქ ონში ძირითადი პრობლემაა წყლით მომარაგება და ამის თაობაზე შედგა პრემიერთან საუბარი და ამ პრობლემის გადაჭრის გზაც მოიძებნა, – ამის შესახებ ონის მერმა სერგო ხიდეშელმა, პრემიერმინისტრსა და ადგილობრივი თვითმმართველობის არჩევნებში გამარჯვებულ მერებთან შეხვედრის შემდეგ განაცხადა.
მისი თქმით, მომდევნო წლიდან ქალაქ ონს ეს პრობლემა აღარ ექნება.
„ვისაუბრეთ სხვადასხვა საკითხებზე, მათ შორის მუნიციპალიტეტში არსებულ გამოწვევებზე, ინფრასტრუქტურულ და სოციალურ პროექტებზე. დაისახა რიგი საკითხების გადაჭრის გზები. ქალაქ ონში ძირითადი პრობლემაა წყლით მომარაგება და ამის თაობაზე შედგა პრემიერთან საუბარი და ამ პრობლემის გადაჭრის გზაც მოიძებნა. მომდევნო წლიდან ქალაქ ონს ეს პრობლემა აღარ ექნება“, – განაცხადა ონის მერმა.
