გორის მუნიციპალიტეტის მერია წმინდაწყლის დასახლებაში მიწის ნაკვეთს ელექტრონულ აუქციონზე ჰყიდის. საწყისი ფასი 1 მლნ ლარს აჭარბებს. ამის შესახებ რადიო მოზაიკა წერს.
მიწის ფასი, რომლის ფართობი 2 ჰექტარზე მეტია, აუქციონზე 1 056 000 ლარია. ნაკვეთი ახალი ავტოსადგურის მიმდებარე ტერიტორიაზეა. ოფიციალურად კი, ტერიტორია კარალეთის ადმინისტრაციულ საზღვრებშია მოქცეული.
თუ კი, მყიდველი გამოჩნდება, მან მერიის გადაწყვეტილებით შემდეგი პირობა უნდა შეასრულოს:
“პრივატიზაციიდან 2 წლის ვადაში მოხდეს მიწის ნაკვეთის განაშენიანება და აშენებული ობიექტის ექსპლუატაციაში მიღება” , – ვკითხულობთ აუქციონის პირობებში.
ვაჭრობის ბიჯი 96 000 ლარია.
