გორის სოფელ ტინისხიდში სკვერისა და ტრენაჟორების მოსაწყობად 30 ათას ლარზე მეტი დაიხარჯება

92

გორის მუნიციპალიტეტის სოფელ ტინისხიდში სკვერი და ტრენაჟორები მოეწყობა. შესაბამისი ტენდერი ადგილობრივმა ხელისუფლებამ გამოაცხადა და სამუშაოებისთვის 30 370 ლარი გაითვალისწინა. ამის შესახებ რადიო მოზაიკა წერს.

პროექტის მიხედვით სკვერის ტერიტორიაზე განთავსდება სკამები, სანათები და ტრენაჟორები.

სატენდერო პირობებით, გამარჯვებულმა კომპანიამ სამუშაოები ხელშეკრულების გაფორმებიდან 45 დღეში უნდა დაასრულოს.