ჯანდაცვის მინისტრის პირველი მოადგილის, თამარ გაბუნიას განცხადებით, ავსტრიიდან მიღებული „ასტრაზენეკას“ 5 000 დოზა ვაქცინა, იმ მოქალაქეების ვაქცინაციას მოხმარდება, ვინც მეორე დოზით ვერ აიცრა.
„ავსტრიიდან მივიღეთ „ასტრაზენეკას“5 000 დოზა, რომელიც ისევ იმ მოქალაქეების საჭიროების დაკმაყოფილებას მოხმარდება, ვისაც პირველი დოზის მიღებიდან 10-დან 12 კვირამდე უწევთ მეორე აცრის გაკეთება.
“ფაიზერის” მოწოდება დაიწყება მალე და უკვე გვექნება საშუალება, რომ გავააქტიუროთ ვაქცინაციის პროცესი. თარიღს დავაზუსტებ მაშინვე, როგორც კი ჩამოვა ვაქცინა ქვეყანაში”, – განაცხადა გაბუნიამ.
შეგახსენებთ რომ, საქართველოს ავსტრიამ 5000 დოზა „ასტრაზენეკას“ ვაქცინა აჩუქა, რომელიც უკვე თბილისშია.
