დავითულიანი: ოპოზიციას გენგეგმასთან დაკავშირებით კითხვები და შენიშვნები არ აქვს

735

წინა სტატია

თბილისის საკრებულოში მიმდინარე ურბანული დაგეგმარებისა და საქალაქო მეურნეობის კომისიის სხდომაზე, რომელზეც დედაქალაქის მიწათსარგებლობის გენერალური გეგმის პროექტს განიხილავენ, ფრაქცია “ქართული ოცნება-დემოკრატიული საქართველოს“ თავმჯდომარემ ბექა დავითულიანმა ოპოზიციის განცხადებას უპასუხა. მისი თქმით, ოპოზიციის დღევანდელი განცხადებები ნიშნავს იმას, რომ მათ თავად გენერალურ გეგმასთან დაკავშირებით კითხვები და შენიშვნები არ აქვთ.

“გილოცავთ კოლეგებო, როგორც ჩანს იმდენად კარგი დოკუმენტი დაგვიმუშავებია, რომ ოპოზიციას შენიშვნა არ აქვს. შესაბამისად, დროა გადავიდეთ შემდეგ ეტაპზე და მივიღოთ გადაწყვეტილება. ქალაქის სწორად განაშენიანების თვალსაზრისით დღეს ძალიან მნიშვნელოვან გადაწყვეტილებას ვიღებთ“ , – განაცხადა ბექა დავითულიანმა.

დავითულიანის თქმით, ეს არის ბოლო ეტაპი, რომლითაც გენერალური გეგმაზე მუშაობა სრულდება და მას საკრებულო უახლოეს მომავალში მიიღებს.

გენგეგმაზე მუშაობა 2015 წელს დაიწყო და დოკუმენტის შესაქმნელად 2 800 000 ლარი გამოიყო.