მარტვილის მუნიციპალიტეტის სოფელ ნაგებერაოში სკოლის მშენებლობა 2018 წლის დეკემბერში დასრულდება.
მერიის ინფორმაციით, პროექტის ფარგლებში, სრულიად ახალი, 120 მოსწავლეზე გათვლილი, თანამედროვე სტანდარტების სკოლის მშენებლობა მიმდინარეობს. მათივე ცნობით, აღნიშნული ინფრასტრუქტურული პროექტის ღირებულება 2 638 019 ლარს შეადგენს, სამშენებლო სამუშაოებს შპს „ქართული სამშენებლო ჯგუფი“ ასრულებს.
პროექტს საქართველოს განათლების, მეცნიერების, კულტურისა და სპორტის სამინისტროს სსიპ საგანმანათლებლო და სამეცნიერო ინფრასტრუქტურის განვითარების სააგენტო ახორციელებს.
