გორის მიმდინარე წლის ბიუჯეტი 43 მილიონამდე გაიზარდა

863

მიმდინარე წელს გორის მუნიციპალიტეტის ადგილობრივი ბიუჯეტი საკუთარი შემოსულობებით, 39 მილიონი ლარითაა განსაზღვრული, თუმცა ხარჯვით ნაწილში, გასული წელს შემორჩენილი ნაშთის დამატებით, ის 43 მილიონ ლარს აჭარბებს. ინფორმაციას რადიო მოზაიკა ავრცელებს.

აღნიშნული ინფორმაცია რადიო ,,მოზაიკას“ გორის მუნიციპალიტეტის მერიაში დაუდასტურეს.

საჯარო ინფორმაციის მიხედვით, მიმდინარე წლის ფინანსური დოკუმენტი ყველაზე დიდი თანხით არის წარმოდგენილი, ვიდრე ბოლო 5 წლის განმავლობაში ცალ-ცალკე არსებული ქალაქისა და თემის მუნიციპალიტეტების ერთად აღებული ბიუჯეტი.

უნდა აღინიშნოს, რომ ქალაქისა და თემის მუნიციპალიტეტების გაერთიანებით, 2017 წელს მმართველი გუნდი თანხების დაზოგვას აანონსდებდა, თუმცა გაზრდილი ბიუჯეტის პირობებში რიგ სამსახურებსა და ორგანიზაციებზე დაფინანსება შემცირების ნაცვლად გაიზარდა.