ქობულეთში, რუსთაველის ქუჩაზე, სარეაბილიტაციო სამუშაოები დაიწყო. რამდენიმე დღეში გზის სავალ ნაწილზე ასფალტის საფარი დაიგება. ამ ეტაპისთვის მოსამზადებელი სამუშაოები მიმდინარეობს. ინფორმაციას ქობულეთის მუნიციპალიტეტი ავრცელებს.
ინფრასტრუქტურული პროექტის განსახორციელებლად მერია 1 500 000 ლარს დახარჯავს.
რუსთაველის ქუჩის რეაბილიტაცია მრავალწლიანი პროექტია და სამუშაოები ეტაპობრივად ხორციელდება. გასულ წლებში მოეწყო მიწისქვიშა კომუნიკაციები, სანიაღვრე არხები, დეკორატიული ფილებით მოპირკეთდა ტროტუარები და განხორციელდა ქუჩის ორმული შეკეთება.
