ევროკავშირი და გაეროს განვითარების პროგრამა დამწყები და მოქმედი ბიზნესების წარმომადგენლებს საგრანტო კონკურსში მონაწილეობის მისაღებად იწვევენ

432

ვროკავშირი (EU) და გაეროს განვითარების პროგრამა (UNDP) დამწყები და მოქმედი ბიზნესების წარმომადგენლებს, სოფლად არასასოფლო-სამეურნეო საგრანტო კონკურსში მონაწილეობის მისაღებად იწვევენ, – ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრელებს.

მათივე ინფორმაციით, კონკურსის მიზანია სოფლად ახალი სამუშაო ადგილების შექმნისთვის შესაბამისი პირობების უზრუნველყოფა, ეკონომიკური დივერსიფიკაცია სოფლად სამეწარმეო საქმიანობის განვითარების ხელშეწყობის გზით და სოფლად გარემოს დაცვა, ბუნებრივი რესურსების მდგრადი გამოყენება და კლიმატის ცვლილებების შერბილების ღონისძიებების ხელშეწყობა.

„პროგრამა განხორციელდება შემდეგ მუნიციპალიტეტებში: ქედა, ხულო, ბორჯომი, ახალქალაქი, თეთრიწყარო, ყაზბეგი, ლაგოდეხი და დედოფლისწყარო.

თანადაფინანსება გაიცემა შემდეგი კომპონენტების მიხედვით:

სამეწარმეო საქმიანობების დაწყებისა და განვითარებისთვის. მინიმალური საგრანტო მოცულობა ერთ ბენეფიციარზე შეადგენს 20,000 ლარს და მაქსიმალური – 300,000 ლარს, თუმცა თანადაფინანსების მაქსიმალური მოცულობა თითოეულ პროექტზე განსაზღვრულია არაუმეტეს 170,000 ლარით, რომელიც არ აღემატება პროექტის ჯამური ღირებულების 80%-ს.

საწყის ეტაპზე, ბიზნეს საქმიანობისთვის განახლებადი და ენერგოეფექტური რესურსების გამოყენებაზე გათვლილი პროექტების მინიმალური საგრანტო მოცულობა: 1,500 და მაქსიმალური 30,000 ლარია. ერთ პროექტზე, რომელიც არ აღემატება პროექტის ჯამური ღირებულების 80%-ს.

პროგრამაში განაცხადების მიღება განხორციელდება ორ ეტაპად:

განაცხადებისა და ბიზნეს მოდელის (ბიზნეს კანვას მოდელის საფუძველზე)/განახლებადი ენერგიების და ენერგო ეფექტური პროექტის მიღება და შეფასება.

ბიზნეს გეგმის/განახლებადი ენერგიების და ენერგო ეფექტური დეტალური პროექტის მიღება და თანადაფინანსების კომიტეტზე წარდგენა/შეფასება.

პროგრამის ფარგლებში არ დაფინანსდება პროექტები, რომლებიც უკავშირდება: სამხედრო, ბირთვულ, სპირტის და ალკოჰოლური სასმელების, თამბაქოს, და სახიფათო ნივთიერებების წარმოებას; სასოფლო-სამეურნეო პროდუქციის პირველად და სურსათის წარმოებას (გამონაკლისის სახით დაიშვება ამ საქმიანობებთან დაკავშირებული ენერგოეფექტური და განახლებადი ენერგიების გამოყენების პროექტები); სათამაშო ბიზნესს, აზარტული თამაშებს; საფინანსო მომსახურებას (მათ შორის სალომბარდო); საქველმოქმედო და რელიგიურ საქმიანობას; ვაჭრობას.

განაცხადების მიღების ბოლო ვადა 2021 წლის 31 მარტია.

დამატებითი ინფორმაცია იხილეთ შემდეგ ბმულზე.