თბილისის საკრებულოში, დედაქალაქის მთავრობის სხდომის დასრულების შემდეგ, თბილისის მერს კახა კალაძესა და “ნაციონალური მოძრაობის” წევრს ლევან ხაბეიშვილს შორის სიტყვიერი შელაპარაკება მოხდა. ხაბეიშვილმა კალაძეს “კორუმპირებული”, კალაძემ ხაბეიშვილს კი “გაფარჩაკებული” უწოდა.
ხაბეიშვილის განცხადებით, მას დედაქალაქის მერთან კითხვები ჰქონდა ინფრასტრუქტურულ პროექტებთან დაკავშირებით, ასევე, მერიაში მიმდინარე სარემონტო სამუშაოებზე. როგორც ხაბეიშვილი აცხადებს, თბილისის მერი კომფორტულ ავეჯს ყიდულობს და თავისთვის ოთახებს ირემონტებს.
“153 ათას ლარს თქვენი ოთახის გარემონტებისთვის რატომ იხდით? გორგოლაჭებიანი სკამების ყიდვა რომ გინდათ, ნორმალურია? რატომ გეშინიათ რომ რაღაცაზე მიპასუხოთ?”- მიმართა ხაბეიშვილმა კალაძეს.
“თქვენი როგორ უნდა მეშინოდეს, როცა ასე იქცევით. შეურაცხყოფას აყენებთ მთავრობის სხდომაზე მყოფ ადამიანებს. თქვენ ვერ შემოხვალთ, ვიდრე ბოდიშს არ მოუხდით მთავრობის თითოეულ წევრს და იქნებით ასეთი გაფარჩაკებული”,- მიმართა კალაძემ ხაბეიშვილს.
ამაზე კალაძემ უპასუხა: “ვიდრე მთავრობის თითოეულ წევრს ბოდიშს არ მოუხდით, ვერ შემოხვალთ მთავრობის სხდომაზე და იქნებით ასეთი გაფარჩაკებული”.
