თბილისის მერმა კახა კალაძემ განაცხადა, რომ ევროპის მოედანზე მდებარე შენობას ე.წ. “რიყის დოქებს“, შესაძლოა, მფლობელი გამოუჩნდეს.
“არის ინტერესი რამდენიმე კომპანიის მხრიდან, ველოდებით შემოთავაზებებს. ჩვენ გავაცანით კონცეფცია, თუ რა უნდა იყოს ე.წ. დოქებში, როგორი პრინციპით უნდა იყოს გამოყენებული სამომავლოდ და ველოდებით წინდადებებს. ამის შემდეგ მივიღებთ გადაწყვეტილებას, თუ რომელი კონკრეტული ბიზნეს კომპანია გააკეთებს ამ პროექტს“, – განაცხადა კახა კალაძემ.
“რიყის დოქები“ ამჟამად ეკონომიკის სამინისტროს ბალანსზე ირიცხება. ნაგებობის მშენებლობა, რომელიც 75 მილიონი ლარი დაიხარჯა, 2012 წელს დასრულდა, თუმცა ის ამ დრომე უფუნქციოდ არის დარჩენილი.
