თბილისში სადღესასწაულო ილუმინაციებისა და საახალწლო სოფლის დემონტაჟი 15 იანვრიდან დაიწყება. პირველი რესპუბლიკის მოედანზე ღონისძიებები ნინო ქათამაძის კონცერტით დასრულდა. ინფორმაციას იმედინიუსი ავრცელებს.
ჯადოსნურ სოფელში, ქალაქის მთავარ ნაძვის ხესთან გამართულ საახალწლო კონცერტს დედაქალაქის მერი კახა კალაძე დაესწრო, რომელმაც მოსახლეობას კიდევ ერთხელ მიულოცა ახალი წლის დადგომა და აღნიშნა, რომ დედაქალაქის მთავრობა თბილისის განვითარებისთვის ძალისხმევას არ დაიშურებს.
