თბილისის მერი კახა კალაძე სამთავრობო უწყებებში ჯიპების ჩანაცვლების თაობაზე პრემიერ მამუკა ბახტაძის ინიციატივას მიესალმება. კალაძის თქმით, დედაქალაქის მთავრობა შავი ჯიპებისგან თავისუფალია. ინფორმაციას IPN-ი ავრცელებს.
“პრემიერის ინიციატივას ჯიპების ჩანაცვლებასთან დაკავშირებით მივესალმები, ხოლო რაც შეეხება ჩვენს უწყებას, დედაქალაქის მერია შავი ჯიპებისგან თავისუფალია, უბრალოდ გყავს პიკაპის ტიპის მანქანები, რომლებიც გარკვეულ სამსახურებს სჭირდება,”- განაცხადა კალაძემ.
ცენტრალური მთავრობის დღევანდელ სხდომაზე პრემიერ-მინისტრმა მამუკა ბახტაძემ განაცხადა, რომ სამთავრობო ავტოპარკთან დაკავშირებით წინადადების წარდგენას აპირებს.
