ქობულეთში სეზონურად შეზლონგების განთავსებისთვის პლაჟი 5 ზონად დაიყო. აუქციონში მონაწილეობა მსურველებს 30 მაისს შეეძლება. ინფორმაციას აჭარის ტელევიზია ავრცელებს.
საწყისი საიჯარო ფასი მდებარეობის მიხედვით განისაზღვრა და 240-დან 540 ლარამდე მერყეობს.
ამ მხრივ ყველაზე მოთხოვნადი ფიჭვნარის სანაპირო ზოლია. რაც შეეხება ტურისტული ობიექტების განთავსებას მეწარმეებმა განცხადებით მერიას უნდა მიმართონ. თვითმმართველობა საკითხს კომისიური წესით განიხილავს.
