ჩვენი რეკომენდაცია და საკოორდინაციო საბჭოს გადაწყვეტილება არის, რომ პირველ ეტაპზე უნდა გამკაცრდეს უკიდურესად აღსრულება იმ შეზღუდვების, რომელიც დღეს დაწესებულია, ეს გახლავთ ღამის კარანტინი და შაბათ-კვირას რესტორნების შეჩერება და დიდი თავშეყრის პრევენცია, – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა.
მისივე თქმით, მაქსიმალურად აუცილებელია, ასევე, პირბადის ტარება.
„ეს არის 3 მთავარი რეკომენდაცია. თუ ჩვენ ავალთ რაღაც ზღვრამდე და ამ ზღვრის ერთი ინდიკატორი არ არსებობს, ამაზე საკოორდინაციო საბჭო იმსჯელებს. ამ დროისთვის პირბადის ტარების პროცენტული მაჩვენებელი 50-ია“, -განაცხადა ამირან გამყრელიძემ.
