გარემოს დაცვისა და სოფლის მეურნეობის მინისტრი თიანეთში ფერმერებს შეხვდა

დაბა თიანეთში ფერმერებს გარემოს დაცვისა და სოფლის მეურნეობის მინისტრი ლევან დავითაშვილი, რეგიონული განვითარების საკითხებში პრემიერმინისტრის მრჩეველი სოზარ სუბარი, მცხეთა-მთიანეთის სახელმწიფო რწმუნებული შალვა კერესელიძე და ცენტრალური და ადგილობრივი ხელისუფლების სხვა წარმომადგენლები შეხვდნენ.

“ჩვენთვის ძალიან მნიშვნელოვანი და სასარგებლოა რეგულარული კომუნიკაცია მოსახლეობასთან, რათა არსებული პროგრამები, რომელიც სოფლის განვითარებას უკავშირდება დაიხვეწოს და უფრო მეტად ადაპტირებული იყოს იმ საჭიროებებზე, რომელიც მოსახლეობას აქვს. ასევე, ბევრი საკითხია გარემოსდაცვითი მიმართულებით, ტყესთან დაკავშირებით, რომელიც მოსახლეობას აინტერესებს. მოსახლეობის ინტერესებიდან გამომდინარე, რეგიონებში შეხვედრებს ჩვენ მომავალშიც გავაგრძელებთ“, – განაცხადა ლევან დავითაშვილმა.

ფერმერებთან გამართულ შეხვედრაზე მინისტრმა ვრცლად ისაუბრა სოფლის მეურნეობისა და გარემოსდაცვითი მიმართულებებით მიმდინარე პროექტებზე. ლევან დავითაშვილმა ყურადღება პროექტში “დანერგე მომავალი“ განხორციელებულ ცვლილებებზე გაამახვილა და აღნიშნა, რომ ბაღების თანადაფინანსების კომპონენტს დაემატა ახალი ქვეკომპონენტი – “კენკროვანი კულტურები“, რომელიც ლურჯი მოცვის, მაყვლის და ჟოლოს ინტენსიური ბაღების გაშენების დაფინანსებას ითვალისწინებს.

ლევან დავითაშვილმა “მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალური გამოყენების“ სახელმწიფო პროგრამის ფარგლებში თიანეთის მუნიციპალიტეტში მოქმედ სასოფლო-სამეურნეო კოოპერატივს “ყვარის მთა“  90 % -იანი თანადაფინანსებით სასოფლო-სამეურნეო ტექნიკა გადასცა. კოოპერატივი 2016 წელს შეიქმნა და მასში 19 მეპაიეა გაერთიანებული.

“ვიმსჯელეთ მოსახლეობისთვის აქტუალურ საკითხებზე, მათი უმეტესობა დღეს ადგილზე იქნა გადაწყვეტილი, ხოლო დანარჩენ ნაწილზე გრძელდება მუშაობა და ვფიქრობ, რომ უახლოეს პერიოდში ეს საკითხებიც გადაიჭრება“, – განაცხადა შალვა კერესელიძემ.

ასევე, შეხვედრაზე მეცხოველეობის განვითარების ხელშეწყობის, საძოვრებისა და გადასარეკი ტრასების მოწესრიგების, დაცული ტერიტორიების გაფართოების, მუნიციპალიტეტების სასოფლო-სამეურნეო ტექნიკით აღჭურვის, რეგიონში პროფესიული განათლების ხელშეწყობის, მელიორაციის და სხვა საკითხები განიხილეს.

მსგავსი სიახლეები
სასოფლო-სამეურნეო კოოპერატივების განვითარების სააგენტოს თავმჯდომარემ გიორგი მიშელაძემ გურჯაანელ ფერემერებს მევენახეობისა და მეფუტკრეობის სასოფლო-სამეურნეო კოოპერატივების ხელშეწყობის
აჭრის მთავრობის თვმჯდომარე  შუახევში ადგილობრივ ფერმერებს და მეწარმეებს შეხვდა. შეხვედრის დროს ზურაბ პატარაძემ ყურადღება მაღლმთიანი აჭარის
მცხეთამთიანეთის მუნიციპალიტეტში, რამდენიმე სოფლის - შატილის, მუცოს და არჭილოს გაერთიანებული კრება ჩატარდა. ამით დასრულდა "სოფლის
წინა სტატია გუდაურში სათხილამურო სეზონისთვის მზადება დასრულდა. განახლდა და მოეწყო ტურისტული ინფრასტრუქტურა. ზამთრის სეზონს გუდაური
მცხეთა-მთიანეთის გუბერნატორი მცხეთის მუნიციპალიტეტის მერიისა და საკრებულოს წარმომადგენლებს შეხვდა. შეხვედრაზე მცხეთის მუნიციპალიტეტში სოფლის მეურნეობის განვითარების
როგორც ცნობილია, საქართველოს პრემიერმინისტრმა მამუკა ბახტაძემ დღეს შვიდ რეგიონში ახალი სახელმწიფო რწმუნებულები წარადგინა. პრემიერის გადაწყვეტილებით,
ჩხოროწყუს სოფელ მუხურში მიხეილ ცირდავას ოჯახს უძველესი რეცეპტით დამზადებული მეგრული ყველისა და ღვინის დასაგემოვნებლად National
"შეაღავათიანი აგროკრედიტის პროექტისა და სოფლის მეურნეობის პროდუქციის გადამამუშავებელი და შემნახველი საწარმოების თანადაფინანსების პროექტის დამტკიცების შესახებ"
დღეის მდგომარეობით, ახალციხის სერვისცენტრში მობილიზებული ტექნიკით, უკვე დამუშავებულია 100 ჰექტარი მიწის ფართობი. გარემოს დაცვის და სოფლის
აგროწარმოების ხელშეწყობის პროგრამის ფერმერებისთვის გაცნობის მიზნით,საქართველოს ფერმერთა ასოციაციის წარმომადგენლებმა ზუგდიდში მეწარმეებთან საინფორმაციო შეხვედრა გამართეს. ინფორმაციას
ზუგდიდელმა ფერმერებმა ტატიანა ბულიამ და ლამზირა რაფავამ თბილისში გამართულ მეწარმეთა ფესტივალში მიიღეს მონაწილეობა. ფერმერებმა ფესტივალზე თავიანთი
შპს „მექანიზატორის“ ტექნიკა კახეთში საგაზაფხულო ხვნის სამუშაოებს ასრულებს. გარემოს დაცვისა და სოფლის მეურნეობის სამინისტროს ცნობით, გურჯაანის სერვისცენტრში
მესხეთში საგაზაფულო ხვნა–თესვა დაიწყო. გლეხები ტექნიკის სიმცირესა და მომსახურების სიძვირეზე ჩივიან. ამის ფონზე კი მექანიზაციის
აჭარის მთავრობის თავმჯდომარემ ზურაბ პატარაძემ აჭარის სოფლის მეურნეობის მინისტრთან ავთანდილ მესხიძესთან ერთად ქობულეთის მუნიციპალიტეტში სასოფლო-სამეურნეო
საქართველოს მთავრობის გადაწყვეტილებით, 1 ივნისამდე თურქეთიდან საქართველოში კარტოფილის შემოტანა აიკრძალა. ამის მიზეზი კარტოფილის დაავადების, კიბოს, თავისუფალ
%d bloggers like this: