ლომჯარია: სკოლების საპირფარეშოებში ანტისანიტარიაა, 16 სკოლაში კი წყალი საერთოდ არ არსებობს

107

დღეს სახალხო დამცველმა ნინო ლომჯარიამ საქართველოს სახალხო დამცველის აპარატის საკონფერენციო დარბაზში წარმოადგინა ანგარიშის პრეზენტაცია თემაზე – “წყალი, სანიტარია და ჰიგიენა საქართველოს საჯარო სკოლებში”. ანაგარიშის წარდგენისას, ლომჯარიამ განაცხადა, რომ შესწავლილი 108 სკოლიდან 16-ში საერთოდ არ არსებობს სასმელი წყალი. ინფორმაციას ინტერპრესნიუსი ავრცელებს.

“წყალზე ხელმისაწვდომობა არის ბავშვის მნიშვნელოვანი და ფუნდამენტური უფლება. ამ კვლევის ფარგლებში, 6 რეგიონში შევისწავლეთ 108 სკოლა, საიდანაც 16 სკოლაში საერთოდ არსებობს სასმელი წყალი. სკოლების დიდ უმრავლესობაში საერთოდ არ ხდება სასმელი წყლის ხარისხის კონტროლი. ძალიან ხშირ შემთხვევაში ხელმისაწვდომი არაა სამეურნეო წყალი. ეს იწვევს იმას, რომ ბავშვები მთელ რიგ შემთხვევებში ვერ იღებენ სასმელი წყლის იმ რაოდენობას, რაც უნდა მიიღონ სწავლის განმავლობაში. ასევე, მძიმე ვითარებაა სანიტარული თვალსაზრისით სკოლის საპირფარეშოებთან მიმართებით. მათი დიდი უმრავლესობა არის განთავსებული ეზოში, ხშირ შემთხვევაში, არაა იზოლირებული კაბინები. გვხვდება ბიჭებისთვის და გოგონებისთვის საერთო საპირფარეშოები. ეს მდგომარეობა სერიოზულად აფერხებს ბავშვების განვითარებას, მათ გაკვეთილებზე დასწრებას”, – განაცხადა ლომჯარიამ.