სად გაქრა “ოცნების ქალაქი“? – დაპირება, რომელიც არ შესრულდა

სტატია მომზადებულია “ქუთაისი პოსტის” მიერ

ავტორი: ლანა კოკაია

ქუთაისში “ქართულ ოცნებას” “ოცნების ქალაქი” უნდა აეშენებინა. ასეთი იყო დაპირება და საჯაროდ დაანონსებული პროექტი. 2016 წელს, საპარლამენტო არჩევნებამდე რამდენიმე თვით ადრე. “ქალაქიც” პარლამენტის მიმდებარედ უნდა გაშენებულიყო. თუმცა, მას შემდეგ პროექტი აღარავის გახსენებია.”ოცნების ქალაქიც” ოცნებად დარჩა, ქუთაისის თვითმმართველობა კი 20 ჰექტარი მიწის გარეშე, რომელიც ინვესტიციის განხორციელების პირობით სახელმწიფოს უსასყიდლოდ გადაეცა. მეტიც, დასახელებულ ინვესტორზე, რომელსაც პროექტი 5 წლის ვადაში უნდა დაესრულებინა, დღეს ეკონომიკის სამინისტროში არაფერი იციან.

სად გაქრა “ოცნების ქალაქი” და ინვესტორი კომპანია, რომელსაც 270 მილიონი ევროს ინვესტიცია უნდა განეხორციელებინა – პასუხი არავის აქვს.

ქუთაისის მერიის საკუთრებაში არსებული 20 ჰექტარი მიწა, 2016 წლის 21 მარტს, ეკონომიკის სამინისტროს მოთხოვნით, სახელმწიფოს უსასყიდლოდ, საკუთრებაში, ქუთაისის საკრებულოს N 244 განკარგულების საფუძველზე გადაეცა. საკრებულოს პრესსამსახურის განმარტებით, მოთხოვნას თან ერთვოდა, ინვესტორი კომპანიის – შპს “აია ინტერტაიმენტის” მიერ წარმოდგენილი საინვესტიციო პაკეტი.

ამასთან, იყო შეთანხმება (განკარგულების მე-2 მუხლის საფუძველზე) – თუკი სახელმწიფოსთვის გადაცემულ მიწაზე კომპანია დაგეგმილ ინვესტიციას ვერ განახორციელებდა, მიწა საკუთრებაში კვლავ ქალაქს უნდა დაბრუნებოდა.

ქუთაისის ყოფილი მერი, შოთა მურღულია, რომელმაც 2016 წელს, პირადად დაანონსა “მასშტაბური ინვესტიის” დაწყების შესახებ, განმარტავს, რომ ერთერთი ჯგუფის მიერ ინვესტიციის დაწყების თაობაზე წერილი ეკონომიკის სამინისტროდან მიიღეს. მურღულიას თქმით, მისი მერობის დროს, ამის იქეთ საქმე არ წასულა.

ეკონომიკის სამინისტროში კი აცხადებენ, რომ მათ მერიას წერილით მხოლოდ მიწის გადაცემის თაობაზე მიმართეს. თავდაპირველად სამინისტროში განგვიცხადეს, რომ მათთვის “ოცნების ქალაქის” პროექტის თაობაზე უცნობი იყო, მოგვიანებით კი აღნიშნეს, რომ ქუთაისის მუნიციპალიტეტიდან უსასყიდლოდ მიღებულ ქონებაზე ინვესტორის მხრიდან კონკრეტული დაინტერესება ან პროექტი წარდგენილი არ ყოფილა.

“ჩვენთან ინვესტორების მხრიდან დაინტერესება წარმოდგენილი არ იყო, სადაც რაიმე კონკრეტული პროექტის შესახებ იქნებოდა საუბარი”, – ამბობს ეკონომიკისა და მდგრადი განვითარების სამინისტროს დაქვემდებარებული სსიპ “სახელმწიფო ქონების ეროვნულ სააგენტოს” საზოგადოებასთან ურთიერთობის სამსახურის უფროსი, ნიკა ქამუშაძე. მაშინ როდესაც, პროექტის დაანონსებისთანავე კომპანია “აია ინტერტაიმენტის” წარმომადგენელი, ვახტანგ გაგნიძე სამომავლო გეგმებზე საუბრობდა.

ის “ბიზნესკონტაქტთან” საუბრისას აცხადებდა, რომ იმ ეტაპზე მიწის გადაცემის ტექნიკური დეტალები ზუსტდებოდა, რომელიც, დაახლოებით, 10 დღეში დასრულდებოდა. მისივე თქმით, პროექტი წარდგენილი იყო სახელმწიფო უწყებებისთვის, მათ შორის ეკონომიკის სამინისტროსთვის და მათი მხრიდან მოწონება დაიმსახურა.

“კომპლექსის ძირითადი მიმართულება ტურისტული დანიშნულება იქნება, წარმოდგენილი პროექტები ექსკლუზიურია და ანალოგიები არ აქვს, რადგან ის უცხოეთში მოღვაწე ქართველმა გააკეთა. ჩვენ ჩვენის მხრივ, ვალდებულებას ვიღებთ, რომ მიწის გადმოცემიდან არაუგვიანეს 90 დღეში, უზრუნველყოთ პრაქტიკული საქმიანობის დაწყება. დაახლოებით ხუთი წელი დასჭირდება პროექტის განხორციელებას”, – აცხადებდა ვახტანგ გაგნიძე “ბიზნესკონტაქტთან” საუბარში.

დღესდღეობით, კომაპნიის წარმომადგენელთან დაკავშირება ვერ ხერხდება. ასევე, შპს “აია ინტერტაიმენტი” არ იძებნება საჯარო რეესტრში.

პროექტის დაანონსებიდან სამი წლის გავსლისა და ინვესტიციის არგანხორციელების მიუხედავად, მიწა ამ დრომდე ეკონომიკის სამინისტროს საკუთრებაშია.

“ნაციონალურ მოძრაობაში”, სადაც პროექტის დაანონსებითანავე განაცხადეს, რომ დაპირება დაპირებად დარჩებოდა, დღეს ამბობენ, რომ აღნიშნული ტერიტორიით ბიძინა ივანიშვილია დაინტერესებული. რასაც უარყოფენ ეკონომიკის სამინისტროში.

ეკონომიკის სამინისტროს დაქვემდებარებულ “სახელმწიფო ქონების ეროვნულ სააგენტოს” პრესსამსახურში განმარტავენ, რომ როგორც ყველა სახელმწიფო ქონება, ზემოთაღნიშნულიც განკარგვას ექვემდებარება და თუ იქნება დაინტერესება, შესაბამისი საინვესტიციო პირობებით, ამ ქონების გასხვისებას განიხილავენ. თუმცა, ამ ეტაპზე მსგავსი დაინტერესება არ არის.

რაც შეეხება ქუთაისის მერიის მხრიდან სახელმწიფოსთვის კონკრეტული შეთანხმებით გადაცემულ მიწას, სამინისტროში აცხადებენ, რომ ქუთაისის მერიას მიწის ნაკვეთის უკან დაბრუნებაზე მათთვის არ მიუმართავს.

ქუთაისის საკრებულოშიც აცხადებენ, რომ საქმისწარმოება ტერიტორიის უკან დაბრუნებასთან დაკავშირებით ჯერ არ დაწყებულა. მათი განმარტებით, განკარგულების მე-2 მუხლის საფუძველზე, თუკი ინვესტორი არ შეასრულებს ეკონომიკის სამინისტროსთან დადებული ხელშეკრულების პირობებს, ქუთაისის მუნიციპალიტეტი იტოვებს უფლებამოსილებას, ქონება უკან დაიბრუნოს. თუმცა აღნიშნავენ, რომ ჯერჯერობით ხუთწლიანი ვადა გასული არ არის.

სამაგიეროდ, გასულია სამი წელი “მასშტაბური ინვესტიციის” განხორციელების დაპირებიდან. დაპირებიდან, რომელიც არ შესრულდა და “ოცნების” “ოცნების ქალაქი” ოცნებად დარჩა.

მსგავსი სიახლეები
ქუთაისს მთავარი არქიტექტორი ისევ არ ჰყავს. იმის გამო, რომ გასულ წლებში მერიის მიერ გამოცხადებული პოზიციით არავინ
ერთ ლარად მოგებული ტენდერები სასამართლო დავის მიზეზი გახდა. გასული წლის მაისში შოთა მურღულიას მერობის პერიოდში
გახსოვთ კამპანია „წყალი ყველას“? - ის 2011 წელს დაიწყო და მიზნად, პირველ რიგში, ქუთაისის უწყლოობის
ქუთაისის მერი შოთა მურღულია მერიის სხდომათა დარბაზში სტუდენტებს შეხვდა. 130-მა ქუთაისელმა სტუდენტმა გერმანიის სხვადასხვა ქალაქებში
ორი წელია, კოოპერატივი "წიქარა" გორის მუნიციპალიტეტის სოფელ შავშვებში მიტოვებული შენობების გამოსყიდვას, ან იჯარით აღებას ცდილობს.
ბიბლიოთეკის შენობაში მიმდინარეობს შიდა საკომუნიკაციო ქსელების მოწყობა და რემონტი. სამუშაოების პროცესი ქუთაისის მერმა შოთა მურღულიამ
ქუთაისში სპორტული მოედნების მოწყობა-რეაბილიტაცია მიმდინარეობს,  წელს 32 მოედანი მოეწყობა. ერთ-ერთი ასეთი მოედნის კეთილმოწყობის სამუშაოები ქუთაისის
ქუთაისის მერია ფინანსთა სამინისტროდან 6 მილიონი ლარის სესხად აღებას გეგმავს. საკითხი საკრებულოს სხდომაზე განსახილველად მერის
ქუთაისი ისტორიულ ნაწილში მშენებარე "არგოსა" და რუსთაველის ხიდს შორის არსებული ადგილი 120 კვ მეტრი აუქციონზე
ქუთაისის მერმა შოთა მურღულიამ განაცხადა, რომ მერობის პირველ ვადაში ყველაფრის გაკეთება ვერ მოასწრო. თუმცა, ძირითადი
ქუთაისში, ნინოშვილის ქუჩაზე გზის საფარის მოწესრიგება მიმდინარეობს. ქუთაისის მერმა შოთა მურღულიამ ინფრასტრუქტურის სამსახურის უფროსთან ერთად
ქუთაისში მასშტაბური ინფრასტრუქტურული სამუშაოები მიმდინარეობს. ქალაქის მერმა შოთა მურღულიამ რამდენიმე ობიექტი დაათვალიერა, მათ შორის განჯის
ქუთაისის მერმა შოთა მურღულიამ ინფრასტრუქტურული პროექტების მონიტორინგის ფარგლებში ბაგა-ბაღებში მიმდინარე სამუშაოები დაათვალიერა. მე-3-ე მე-4-ე, მე-15-ე,
ქუთაისში უმეთვალყურეოდ დარჩენილ ცხოველთა, თანამედროვე სტანდარტების თავშესაფარი სრული დატვირთვით მუშაობს. უმეთვალყურეოდ დარჩენილი თანამედროვე სტანდარტების ცხოველთა
"ნამდვილად ვერ ვიტყვი, რომ თავისუფლება მაკლდა, ყველა გადაწყვეტილებაში თავისუფალი ვიყავი"- ამგვარად პასუხობს ქუთაისის მერი თვითმმართველობის
%d bloggers like this: