„ქართული ჩაის” ფარგლებში 1,024 ჰა ჩაის პლანტაციაა რეაბილიტირებული”

815

ჩაის პლანტაციების რეაბილიტაციის სახელმწიფო პროგრამა „ქართულ ჩაის” ფარგლებში რომელიც საქართველოს მთავრობამ 2016 წელს დაამტკიცა, 2019 წლის ნოემბრის ბოლოსთვის 1,024 ჰა ჩაის პლანტაციაა რეაბილიტირებული.

აღნიშნული ინფორმაცია bm.ge-მ სოფლის და სოფლის მეურნეობის განვითარების სააგენტოდან გამოითხოვა.

სააგენტოს ცნობით, პროგრამის ფარგლებში, ჩაის პლანტაციების რეაბლიტაციაში 2.5 მლნ ლარის ინვესტიცია განხორციელდა, საიდანაც სააგენტოს თანადაფინანსება 1,775,488 ლარს შეადგენს.

ამასთან, პროგრამის დაწყებიდან 2019 წლის ნოემბრის ჩათვლით, „ქართულ ჩაის” ფარგლებში 49 განაცხადია დამტკიცებული.

შეგახსენებთ: „ქართული ჩაის“ მიზანია, საქართველოში არსებული ჩაის პლანტაციების პოტენციალის ეფექტურად გამოყენება, ადგილობრივი ჩაის (მათ შორის ბიო ჩაის) წარმოების ზრდის ხელშეწყობა, შედეგად, თვითუზრუნველყოფის დონის ამაღლება და საექსპორტო პოტენციალის გაზრდა.