აჭარის მთავრობა – პეტრას ციხეზე მსხვილმასშტაბიან ინფრასტრუქტურულ პროექტს ვიწყებთ

144

პეტრას ციხეს რეაბილიტაცია ჩაუტარდება და მალე ახალი ტურისტული მიზიდულობის ცენტრად გადაიქცევა. ამის შესახებ აჭარის მთავრობის თავმჯდომარე თორნიკე რიჟვაძემ განაცხადა.

რეგიონის პირველი პირის თქმით, ციხის ტერიტორიაზე მოეწყობა ადაპტირებული ბილიკები, ვიზიტორთა ცენტრი, კაფე, საექსპოზიციო ნაგებობები და ავტოსადგომი. პროექტის დასრულების შემდეგ მივიღებთ კულტურული მემკვიდრეობის ძეგლს, რომელიც იქნება ახალი საერთაშორისო სტანდარტის ტურისტული ობიექტი.

სამუშაოები დასრულდება 2020 წელს, რომლის ბიუჯეტი -1 750 000 ლარია.

ციხე–ქალაქი პეტრა ადრეფეოდალური კულტურის ერთ–ერთი უბრწყინვალესი ძეგლია, რომელიც ახალი წელთაღრიცხვის VI საუკუნით თარიღდება. შუა საუკუნეებისათვის პეტრას ციხე იმდენად მიუდგომელი გახდა, რომ მას ქაჯეთის ციხე უწოდეს.

ინფორმაციას აჭარის მთავრობა ავრცელებს.