ვაკის რაიონის გამგეობის ბინათმესაკუთრეთა ამხანაგობების ხელშეწყობის პროგრამით, ვაკის რაიონში 97 სხვადასხვა სახის პროექტი დაფინანსდა.
როგორც „ინტერპრესნიუსს“ თბილისის მერიიდან აცნობეს, მათ შორისაა ლიფტების განახლება, შიდა წყალ-კანალიზაციის რეაბილიტაცია, სახურავების შეკეთება, საერთო სარგებლობის კიბის განახლება, სართულშუა ნაპრალების რეაბილიტაცია, წყალსაწრეტი მილების დამონტაჟება.
„სარემონტო-სარეაბილიტაციო სამუშაოები 64 მისამართზე უკვე მიმდინარეობს. კიდევ 33 მისამართზე კი სამუშაოები უახლოეს მომავალში დაიწყება“, – ნათქვამია ინფორმაციაში.
წყარო: ინტერპრესნიუსი
