საპარლამენტო უმრავლესობა პრეზიდენტის ვეტოს დასაძლევად ემზადება. პარლამენტის რიგგარეშე სხდომა, სავარაუდოდ, 26 ივლისს ჩატარდება და მასზე პრეზიდენტის მოტივირებულ შენიშვნებზე იმსჯელებენ. პრეზიდენტმა ერთი ვეტო თვითმმართველობის კოდექსში შესულ ცვლილებებს დაადო, რომლის მიხედვითაც, ქვეყანაში 7 თვითმმართველი ქალაქი უქმდება, ხოლო მეორე ვეტო – საარჩევნო კოდექსში შესულ ცვლილებებს, რომლითაც ცესკოს დაკომპლექტების ახალი წესი დგინდება.
