გორის დემოკრატუილი ჩართულობის ცენტრში ქალაქების – გორისა და ზუგდიდისთვის თვითმმართველი ქალაქის სტატუსის მინიჭების მოთხოვნით შექმნილი საინიციატივო ჯგუფების ერთობლივი შეხვედრა გაიმართა. შეხვედრაზე დამსწრე საზოგადოებამ საქართველოს მთავრობის თვითმმართველობის რეფორმის შესახებ ისაუბრა, რომლის შედეგადაც ქვეყანაში თვითმმართველი ქალაქების რაოდენობის გაზრდა უნდა მოხდეს. შეხვედრა არასამთავრობო ორგანიზაცია „სამოქალაქო კულტურის ცენტრის“ ინიციატივით გაიმართა.
