სასამართლომ არ დააკმაყოფილა ოპოზიციის მოთხოვნა და ავთანდილ თალაკვაძე რეგისტრაციიდან არ მოხსნა

200

ოზურგეთის რაიონულმა სასამართლომ ოპოზიციის მოთხოვნა არ დააკმაყოფილა და მმართველი პარტიის მერობის კანდიდატი ავთანდილ თალაკვაძე, ასევე სოფელ ძიმითში მაჟორიტარობის კანდიდატი რეგისტრაციიდან არ მოხსნა. ინფორმაციას მთავარი არხი ავრცელებს.

“ენმ” მათ ამომრჩევლის მოსყიდვაში ადანაშაულებდა და ამბობდნენ, რომ ხმების სანაცვლოდ მაჟორიტარობის კანდიდატმა ტიტე მგელაძემ ადგილობრივებს წყლის რეზერვუარები უსასყიდლოდ გადასცა.

სასამართლოს დღევანდელი გადაწყვეტილება ოპოზიციამ გააპროტესტა. მერობის კანდიდატი ირაკლი ღლონტი მოსამართლესთან შეხვედრას მოითხოვდა, თუმცა, მანდატურებმა ამის უფლება არ მისცეს, რასაც ხმაური მოჰყვა.