ხულოს მუნიციპალიტეტის მერის ბრძანებით, მერის მოადგილედ დავით ვანაძე დაინიშნა. მუნიციპალიტეტის მერმა გოჩა მელაძემ დღეს ახლადდანიშნული მოადგილე მერიის თანამშრომლებს ოფიციალურად წარუდგინა.
დავით ვანაძე 1986 წლის 6 ივნისს ხულოში დაიბადა, 2003 წელს დაამთავრა სოფელ მეკეიძეების საჯარო სკოლა; 2004-2008 წლებში სწავლობდა ბათუმის შოთა რუსთაველის სახელობის სახელმწიფო უნივერსიტეტის სოციალურ მეცნიერებათა ბიზნესისა და სამართალმცოდნეობის ფაკულტეტზე. მიენიჭა იურისტის კვალიფიკაცია (ბაკალავრი); 2008-2010 წლებში სწავლობდა ქ. ბათუმის ბათუმის შოთა რუსთაველის სახელობის სახელმწიფო უნივერსიტეტში სისხლის სამართლის სპეციალობით. მიენიჭა მაგისტრის აკადემიური ხარისხი; 2008 წელს სისხლის სამართლის მიმართულებით გაიარა ადვოკატთა ტესტირებაზე;2011-2016 წლებში შსს–ის აკადემიაში გადიოდა სპეციალური მომზადების კურსებს; 2013 წელს აშშ–ს ექსპორტის და საზღვრის უსაფრთხოების პროგრამის ფარგლებში გაიარა სატრენინგო კურსი;2009 წელს შ.პ.ს. “ტექსტილში“ მუშაობდა იურისტად; 2010-2015 წლებში იყო საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის აჭარის და გურიის სამმართველოს ინსპექტორ-გამომძიებელი; 2015-2018 წლებში მუშაობდა საქართველოს სახელმწიფო უსაფრთხოების სამსახურის ანტიკორუფციული სააგენტოს (დეპარტამენტი) აჭარის ა/რ რეგიონალური მთავარი სამმართველოს I სამსახურის უფროს ინსპექტორად.
