ფოთში ყულევის ტერიტორიაზე დაგეგმილი პროექტის გარემოზე ზემოქმედების საკითხი განიხილეს

ხობის რაიონში, ყულევის ტერიტორიაზე დაგეგმილი “ნავთობგადამამუშავებელი ქარხნის მშენებლობისა და ექსპლუატაციის“ პროექტის გარემოზე ზემოქმედების საკითხი დღეს ფოთის საზოგადოებას გააცნეს. გარემოზე ზემოქმედების შეფასება საერთაშორისო სერთიფიცირების ცენტრის, შპს “ეკოსპექტრის“ მიერ მომზადდა, რომელიც ცენტრის დირექტორმა ირაკლი კაველაძემ წარმოადგინა.

პროექტის განხილვას ფოთის მერი გოჩა კურდღელია, ფოთის საკრებულოს თავმჯდომარე ირაკლი კაკულია, მუნიციპალიტეტის მერიისა და საკრებულოს, არასამთავრობო ორგანიზაციების, პრესისა და საზოგადოების წარმომადგენლები დაესწრნენ.

“შპს “ფაზის ოილი“ ყულევის ადმინისტრაციულ ერთეულში ნავთობგადამამუშავებელი ქარხნის მშენებლობას გეგმავს. ქარხანა დღეში 500 ტონაზე მეტ ნედლეულს გადაამუშავებს, აშენდება აირების სამარაგო რეზერვუარი და 2 მგვ. სიმძლავრის თბოელექტროსადგური. ქარხანა 350 მუშახელს დაასაქმებს. ინვესტიციის მოცულობა ერთ მილიარდ ლარამდეა. კომპანია ქარხნის მშენებლობაზე 600-700 ადამიანის დასაქმებას გეგმავს”,-წერია ფოთის მუნიციპალიტეტის მერიის ინფორმაციაში.

მსგავსი სიახლეები