ხაშურის მერია 24 200 ლარის დახარჯვას საფოსტო მომსახურებაზე გეგმავს. უწყების მიერ უკვე გამოცხადებული ტენდერით ვიგებთ, რომ მერია ადგილობრივი და საერთაშორისო საფოსტო-საკურიერო მომსახურების შეძენას აპირებს.
“ადგილობრივი და საერთაშორისო საფოსტო-საკურიერო მომსახურება გულისხმობს, როგორც საქართველოს, ასევე, მის ფარგლებს გარეთ შემსყიდველის მიერ მითითებულ ნებისმიერ მისამართზე გზავნილების მიტანას”, – ვკითხულობთ სატენდერო დოკუმენტაციაში.
