„ჯორჯიან უოთერ ენდ ფაუერი“ კრწანისის რაიონში, კალანდაძის ქუჩაზე წყალმომარაგების სტაბილურობის მიზნით წყალსადენისა და წყალარინების სისტემის სრულ რეაბილიტაციას ატარებს. სამუშაოების ფარგლებში ახლით იცვლება 0,6 კმ-ზე მეტი სიგრძის წყალმომარაგების მოძველებული ქსელი. ახალ ქსელზე მონტაჟდება ჩამკეტ-მარეგულირებელი ურდულები, მოეწყობა საკვანძო ჭები და სახანძრო ჰიდრანტები.
ამ ეტაპისთვის „ჯივიპიმ“ კალანდაძის ქუჩაზე დაასრულა წყალარინების სისტემის გასაახლებლად სამუშაოები და აქტიურად აგრძელებს წყალსადენის ქსელის რეაბილიტაციას. შედეგად, კალანდაძისა და მიმდებარე ქუჩებზე 1000-ზე მეტ აბონენტს გაუუმჯობესდება მომსახურების ხარისხი.
კომპანია პროექტში 500 000 ლარზე მეტის ინვესტიციას ახორციელებს.
„ჯორჯიან უოთერ ენდ ფაუერი“ აქტიურად აგრძელებს თბილისის სხვადასხვა რაიონში მნიშვნელოვან სარეაბილიტაციო პროექტებს.
