ქუთაისში სპორტული მოედნების მოწყობა-რეაბილიტაცია მიმდინარეობს, წელს 32 მოედანი მოეწყობა.
ერთ-ერთი ასეთი მოედნის კეთილმოწყობის სამუშაოები ქუთაისის მერმა შოთა მურღულიამ, საბინაო სამსახურის უფროსთან და თანამშრომლებთან ერთად დაათვალიერა.
მინი მოედნების კეთილმოწყობის სამუშაოებს ტენდერში გამარჯვებული კომპანიები ,,გლობალ სტანდარტ მშენი” და ,,თეგიკა უნივერსალი” ასრულებენ. სულ სპორტული მოედნების რეაბილიტაცია 950 000 ლარი ჯდება.
ამ ეტაპზე დასრულებულია 11 მოედანი. სამუშაოები ეტაპობრივად მიმდინარეობს და სრულად წლის ბოლოსთვის დასრულდება. ქუთაისში ბოლო სამი წლის მანძილზე 83 სპორტული მოედანი მოეწყო.
წყარო: ნიუპრესი
