ზესტაფონის მუნიციპალიტეტში რეაბილიტაცია 20 – ზე მეტ საავტომობილო გზას ჩაუტარდება

882

ზესტაფონის მუნიციპალიტეტში საგზაო ინფრასტრუქტურის მოწყობა რამდენიმე მისამართზე დასრულების სტადიაშია.

ქალაქის საავტომობილო გზებზე ვახუშტი ბატონიშვილის, 300 არაგველის და ჩხეიძის ქუჩის მე – 5 შესახვევში რეაბილიტაცია უტარდება გზის საფარს და სანიაღვრე სისტემას.  300 არაგველის ქუჩის კეთილმოწყობას რეგიონული განვითარების ფონდი აფინანსებს, პროექტის ღირებულება 161285 ლარს შეადგენს.

რეგიონული განვითარების ფონდისა და მუნიციპალიტეტის თანადაფინანსებით ხორციელდება ვახუშტი ბატონიშვილის ქუჩის მოასფალტების სამუშაოებიც და მისი ღირებულება 398 400 ლარს შეადგენს.

სანიაღვრე არხის მოწყობა მიმდინარეობს ჩხეიძის ქუჩის მე – 5 შესახვევშიც, რომლის ღირებულება 179384 ლარია. მიმდინარე წლის ბოლომდე მუნიციპალიტეტში 20 – ზე მეტი საავტომობილო გზის რეაბილიტაცია განხორციელდება.