წმინდაწყალზე სამი კორპუსის სადარბაზოებს და სახურავებს გაარემონტებენ

538

ქალაქ გორში, ცხინვალის გზატკეცილზე მდებარე სამი კორპუსის მცხოვრებთა შექმნილ ,,ამხანაგობის” ინიციატივას გორის მერიამ მხარი დაუჭირა.

43-ე; 51-ე და 53-ე კორპუსების სადარბაზოებს და სახურავებს, ადგილობრივი ბიუჯეტიდან გამოყოფილი თანხით, გაარემონტებენ.

ამის შესახებ შიდა ქართლის საინფორმაციო ცენტრს ქალაქის მერმა ზურაბ ჯირკველიშვილმა განუცხადა. მისი თქმით, ადგილობრივი ბიუჯეტი ,,ამხანაგობების” წარდგენილ პროექტს 90%-ით დააფინანსებს.

,,მას შემდეგ, რაც ჩვენი ინიციატივით თანადაფინანსების პროგრამა შემოვიღეთ, ქალაქში ძალიან ბევრ დასახლებაში სხვადასხვა ინფრასტრუქტურული პროექტები განხორციელდა. ეს ეხება როგორც სადარბაზოებს და სახურავებს, ასევე, ეზოს მოპირკეთების და მოასფალტების საკითხებს” – აღნიშნავს ზურაბ ჯირკველიშვილი.

მისი თქმით, ბოლო ორი წლის განმავლობაში, მილიონ ნახევარი ლარი, სწორედ, ,,ამხანაგობების” წარდგენილ პროექტებზე დაიხარჯა. იგი მოსახლეობას აქტიურობისკენ მოუწოდებს.

წყარო: შიდა ქართლის საინფორმაციო ცენტრი