გორის არქიტექტურის სამსახურმა 91 ობიექტზე მშენებლობის ნებართვა გასცა

1246

ბოლო ერთი წლის განმვალობაში (2016 წლის მაისიდან 2017 წლის მაისის ჩათვლით) გორის მერიის არქიტექტურის განყოფილებამ 91 ობიექტის მშენებლობის ნებართვა გასცა.

ამის შესახებ შიდა ქართლის საინფორმაციო ცენტრს მერიის ადმინისტრაციიდან აცნობეს. ადმინისტრაციის წარმომადგენლის ცნობით, ჯამში, სანებართვო მოსაკრებელმა დაახლოებთ 75 ათასი ლარი შეადგინა.

არქიტექტურის განყოფილების უფროსმა ზურაბ ჯალაღანიამ სპეციალური ანგარიში საკრებულოს უკვე წარუდგინა. მისი განცხადებით, მითითებულ პერიოდში, მომზადებული იქნა 5 არსებული სახელმწიფო ობიექტის რეაბილიტაციისა და 7 ახალი ობიექტის მშენებლობის საპროექტო დოკუმენტაცია, რომლის საერთო სახარჯთაღიცხვო ღირებულებამ შეადგინა 2 495 464 ლარი. ეს ობიექტებია:

1) ქ. გორში დ. ჩუბინიშვილის ქუჩაზე მშენებარე მულტიფუნქციური ორდარბაზიანი სპორტის სასახლის მიმდებარე ტერიტორიის კეთილმოწყობა; – 1 820 000 ლარი.
2) ქ. გორში ანწუხელიძის (ყოფილი მოსკოვის) ქუჩაზე სპორტული მინიმოედნის მოწყობა; – 93 301 ლარი.
3) ქ. გორში ანწუხელიძის (ყოფილი მოსკოვის) ქუჩაზე ახალი სკვერის მოწყობა; – 51 633 ლარი.
4) ქ. გორში თარხნიშვილის ქუჩაზე ახალი სკვერის მოწყობა; – 39 287 ლარი.
5) ქ. გორში კვერნაკის დასახლებაში ღამბარაულის ქუჩაზე ახალი სკვერის მოწყობა; – 39 287 ლარი.
6) ქ. გორში ძმებ რომელაშვილების ქუჩაზე ახალი სკვერის მოწყობა; – 59 995 ლარი.
7) ქ. გორში ქარხნის ქუჩაზე ახალი სკვერის და სპორტული მოედნის მოწყობა; – 59 995 ლარი.
8) ადმინისტრაციული შენობის საპორფარეშოებისა ოთახების სარემონტო სამუშაოები; – 100 000 ლარი.
9) ქ. გორში სტალინის სახლმუზეუმის მიმდებარე სკვერში არსებული კასკადური შადრევანის რეაბილიტაცია; – 63 329 ლარი.
10) ქ. გორში ამილახვრის ქ#11-ის მიმდებარედ არსებული სკვერის რეაბილიტაცია; – 6315 ლარი.
11) ქ. გორში ჭალის დასახლებაში #5 კვარტალში არსებული სკვერის რეაბილიტაცია; – 33 927 ლარი.
12) ქ. გორში კომბინატის დასახლებაში შინდისის გზ.ტკ #11-13-15 ბინების მიმდებარედ არსებული გაზონებისა და ტროტუარების რეაბილიტაცია; – 28 632 ლარი.

განყოფილება აქტიური მონაწილეობით მომზადდა ქალაქ გორის მუნიციპალიტეტის საშუალოვადიანი ხედვისა და პრიორიტეტების დოკუმენტი.

მითითებული პერიოდის განმავლობაში 25 მრავალბინიან საცხოვრებელ სახლს დაუდგინდა მისაკუთვნებელი მიწის ნაკვეთის საზღვრები და შეთანხმდა შესაბამისი საპროექტო დოკუმენტაციები.

განყოფილების მიერ აღნიშნულ პერიოდში შესწავლილ იქნა და შესაბამისი რეაგირება გაუკეთდა მოქალაქეთა 846 განცხადებას.

წყარო: შიდა ქართლის საინფორმაციო სამსახური