თბილისის მერიამ ავჭალაში უნებართვოდ აშენებული საცხოვრებელი შენობა დაანგრია, რასაც მოსახლეობა აპროტესტებს

771

თბილისში, ავჭალაში, ბარალეთის ქუჩაზე მოსახლეობა უნებართვოდ აშენებული სახლების დემონტაჟს აპროტესტებს. ინფორმაციას საზოგადოებრივი მაუწყებელი ავრცელებს. 

ბარალეთის ქუჩაზე 20-მდე შენობა-ნაგებობა მოსახლეობას უნებართვოდ აქვს აშენებული. ნაწილ მათგანში მოსახლეობა უკვე ცხოვრობს, ნაწილი კი დაუსრულებელია.

​თბილისის მერიის ზედამხედველობის სამსახურმა სპეცტექნიკის საშუალებით ერთი სახლის დემონტაჟი განახორციელა, რასაც მოსახლეობის პროტესტი მოჰყვა. ამ დროისთვის დემონტაჟის სამუშაოები შეჩერებულია.

როგორც აღნიშნულ ტერიტორიაზე მაცხოვრებელთა ნაწილი აცხადებს, თბილისის მერიიდან ისინი სამი დღის წინ გააფრთხილეს, რათა უკანონო შენობების დემონტაჟი თავად განეხორციელებინათ.