ვარციხეში, ანანოვების ყოფილი სასახლე აუქციონზე გაიყიდა და იქ ტურისტული კომპლექსი მოეწყობა

1018

ვარციხეში, ანანოვების ყოფილი სასახლე აუქციონზე გაიყიდა და იქ ტურისტული კომპლექსი მოეწყობა, რისთვისაც ინვესტორი 4 000 000 ლარზე მეტს დახარჯავს.

ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნული სააგენტოს ინფორმაციით, ბიზნესის მხარდასაჭერად შპს „ინვესტ ჯგუფს“ ბაღდათის რაიონის სოფელ ვარციხეში არსებული 73 500 კვ.მ. მიწის ნაკვეთი და მასზე განთავსებული შენობა-ნაგებობები ელექტრონულ აუქციონზე გადაეცა.

„პროექტი „50 ქონება შენი სასტუმროსთვის“ ფარგლებში, ვარციხეში, ანანოვების ყოფილ სასახლეში ტურისტული კომპლექსი მოეწყობა, რისთვისაც 4 000 000 ლარზე მეტი ინვესტიცია განხორციელდება და ახალი სამუშაო ადგილები შეიქმნება.

ამასთან, ტურისტულ ცენტრში სასტუმროსთან ერთად განთავსებული იქნება ალკოჰოლური სასმელების საგამოფენო სივრცე და სპორტულიმოედანი,”- აღნიშნულია უწყების ვებ-გვერდზე არსებულ ინფორმაციაში.