მესტიის მუნიციპალიტეტში გზების რეაბილიტაცია მიმდინარეობს

75

მესტიის მუნიციპალიტეტში გზების მშენებლობა და რეაბილიტაცია მიმდინარეობს.

სამეგრელო-ზემო სვანეთის სახელმწიფო რწმუნებულის ადმინისტრაციის ინფორმაციიღ, დაბა მესტიაში 15 შიდა გზა მოწესრიგდება. ამ ეტაპზე, სამუშაოები ექვს ქუჩაზე მიმდინარეობს.

“გზები ისეთ ქუჩებზე იგება, სადაც აქამდე ასფალტო-ბეტონის გზა არასდროს ყოფილა. შიდა გზების მშენებლობისთვის 5 მილიონ ლარზე მეტია გამოყოფილი. პროექტი რეგიონებში განსახორციელებელი პროექტების ფონდის და ადგილობრივი ბიუჯეტის დაფინანსებით ხორციელდება”, – განმარტავენ სამხარეო ადმინისტრაციაში.

მესტიაში გზების სარეაბილიტაციო სამუშაოებს ნინო ვიბლიანი გაეცნო

🎥 მესტიის მუნიციპალიტეტში გზების მშენებლობა და რეაბილიტაცია აქტიურად მიმდინარეობს. არსებულ სამუშაოებს სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი ადგილობრივი ხელისუფლების წარმომადგენლებთან ერთად გაეცნო.👉 დაბა მესტიაში 15 შიდა გზის მშენებლობა მოხდება. ამ ეტაპზე სამუშაოები ექვს ქუჩაზე მიმდინარეობს. გზები ისეთ ქუჩებზე იგება, სადაც აქამდე ასფალტო-ბეტონის გზა არასდროს ყოფილა. შიდა გზების მშენებლობისთვის 5 მილიონ ლარზე მეტია გამოყოფილი. პროექტი რეგიონებში განსახორციელებელი პროექტების ფონდის და ადგილობრივი ბიუჯეტის დაფინანსებით ხორციელდება.👉 ახალი გზის დაგება მიმდინარეობს სოფელ ბეჩოშიც. სოფელში არსებული ამორტიზებული გზა გადაადგილებისას პრობლემას ადგილობრივებთან ერთად უშბისკენ მიმავალ ტურისტებსაც უქმნიდა. პროექტს საავტომობილო გზების დეპარტამენტი ახორციელებს.👉 ახალი გზა შენდება მულახის ადმინისტრაციულ ერთეულშიც. ის ცენტრალურ გზასთან სოფელ მაჯვდიერს დააკავშირებს. გზის ამ პერიმეტრზეც ასფალტის საფარი არასდროს ყოფილა, რაც ადგილობრივ მოსახლეობას გადაადგილების დროს პრობლემას უქმნიდა.👉 დღესვე სახელმწიფო რწმუნებულის მოადგილე, მულახის ადმინისტრაციულ ერთეულში სოფელ ჟაბეშის და სოფელ ჩვაბიანის ღელეს ნაპირსამაგრ სამუშაოებს გაეცნო. არსებული ღელე უხვი ნალექის დროს ადგილობრივი მოსახლეობის საკარმიდამო ნაკვეთებს აზიანებდა. სამუშაოებისთვის ჯამში რეგიონებში განსახორციელებელი პროექტების ფონდიდან და ადგილობრივი ბიუჯეტიდან 350 ათასი ლარია გამოყოფილი.

Posted by სამეგრელო-ზემო სვანეთის მხარე on ოთხშაბათი, 16 ოქტომბერი, 2019

მათივე ინფორმაციით, ახალი გზის დაგება მიმდინარეობს სოფელ ბეჩოშიც.

“სოფელში არსებული ამორტიზებული გზა გადაადგილებისას პრობლემას ადგილობრივებთან ერთად უშბისკენ მიმავალ ტურისტებსაც უქმნიდა. პროექტს საავტომობილო გზების დეპარტამენტი ახორციელებს. ახალი გზა შენდება მულახის ადმინისტრაციულ ერთეულშიც. ის ცენტრალურ გზასთან სოფელ მაჯვდიერს დააკავშირებს. გზის ამ პერიმეტრზეც ასფალტის საფარი არასდროს ყოფილა, რაც ადგილობრივ მოსახლეობა გადაადგილების დროს პრობლემას უქმნიდა“, – აცხადებენ ადმინისტრაციაში.